ОЁДОЛ, ЭСГҮҮРИЙН ПРАКТИК СУРГАЛТ ЗОХИОН БАЙГУУЛАГДЛАА

Хан-Уул дүүргийн “Жижиг дунд үйлдвэрлэлийг дэмжих төв”-өөс санаачлан оёдлын салбарт ажиллаж байгаа болон ажиллах сонирхолтой жижиг дунд үйлдвэрлэл, үйлчилгээ эрхлэгчдэд зориулан “Оёдол, эсгүүрийн практик сургалт”-ыг Нийслэлийн Жижиг, дунд үйлдвэр, үйлчилгээг эрхлэгчдийн #хөгжлийн_төвд өнөөдөр /2022-05-18/ зохион байгуулалаа.

Сургалтын үеэр Хан-Уул дүүргийн “Бойжуулах төв”-ийн бойжигч нарын бүтээлээр #үзэсгэлэн_гаргаж, #Бойжуулах_төвийн багш Монгол улсын Зөвлөх багш, Мастер оёдолчин С.Бадамханд өөрийн эмхэтгэсэн ном, гарын авлага, тараах материалын дагуу удирдан зохион байгуулсан бөгөөд сургалтад Сонгинохайрхан, Баянгол, Чингэлтэй, Сүхбаатар, Хан-Уул дүүргийн 32 иргэн оролцож, монгол үндэсний болон европ хувцас эсгүүр, биенээс хэмжээ авах тухай мэдлэг олголоо.

Сургалтын үеэр мэдлэг бататгах сорил танилцуулгад амжилттай оролцсон хоёрдугаар багийн иргэд ХУД-ийн “Бойжуулах төв”-ийн багш, мастер оёдолчин С.Бадамхандаас тусгай 2 цагийн #үнэ_төлбөргүй #сургалт авах #эрх_олгосон бөгөөд нийт сургалтад оролцсон жижиг дунд бичил бизнес эрхлэгчдэд дүүргийн “Жижиг дунд үйлдвэрлэлийг дэмжих төв”-өөс “Бизнесийн орлого, зарлагын бүртгэл” дэвтэр болон “Төсөл хэрхэн бичих заавар, гарын авлага бусад холбогдох материалыг гардуулан өгсөн юм.