ХАН-УУЛ ДҮҮРГИЙН ЖИЖИГ ДУНД ҮЙЛДВЭРЛЭЛИЙГ ДЭМЖИХ ТӨВ

Төвийн танилцуулга: Хан-Уул дүүргийн Жижиг, Дунд Үйлдвэрлэлийг Дэмжих Төв нь Хан-Уул Дүүргийн Иргэдийн Төлөөлөгчдийн Хурлын Тэргүүлэгчдийн 2013 оны А/21 дугаар тогтоолоор Орон Нутгийн Өмчит Улсын Төсөвт Үйлдвэрийн Газар статустайгаар 2013 оны 03 дугаар сарын 29- ний өдөр байгуулагдсан.

              Төвийн зорилго: Дүүргийн Жижиг Дунд үйлдвэрлэл эрхлэгч иргэн, аж ахуй нэгжүүдэд бизнесийн болон аж ахуй эрхлэлтийн чиглэлээр сургалтуудыг явуулж, төслийн болон бусад зөвлөгөө өгөх, мэдээллийн үйлчилгээ үзүүлэх, зээлд хамруулах, гадаад дотоодод үзэсгэлэн яармаг худалдаа зохион байгуулах, оролцуулах, шинээр бизнес эрхлэгчдийг тодорхой хугацаанд бойжуулах, бие даан хөгжих чадвартай аж ахуйн нэгж болгон зах зээлд гаргахад нь туслах зэрэг хуулийн хүрээнд боломжит хэлбэрүүдээр дэмжлэг үзүүлэх зорилготой. 

              Төвийн зорилт: Дүүргийн Жижиг дунд үйлдвэрлэлийг дэмжих төв нь зорилгодоо хүрэхийн тулд дараах зорилтыг дэвшүүлэн ажиллаж байна. Үүнд:

• Үйлдвэрлэл эрхлэгчдийг “Бизнесээ эхэл”, “Бизнесээ хөгжүүл”, “Төсөл бичих арга зүй” сургалтуудад “Үнэ төлбөргүй” хамруулах;
• “Улаанбаатарт үйлдвэрлэв” болон “Хан-Уулд үйлдвэрлэв” үзэсгэлэн худалдаанд оролцуулж, талбайн түрээсийг хөнгөлж, чөлөөлөх;
• Төсөл хөтөлбөр, бизнесийн зээл, сургалт сурталчилгаа, үзэсгэлэн худалдааны чиглэлээр мэргэжил, арга зүйн зөвөлгөө, мэдээлэл хүргэх;
• Зээлийн баталгаа гаргаж, зээл зуучлалын үйлчилгээ үзүүлэх;
• “Төсөл бичих заавар, гарын авлага”-ыг эрхлэн гаргаж, үйлдвэрлэл эрхлэгчдийн төсөл бичих мэдлэг, чадварыг дээшлүүлж ажиллана.
• “Хан-Уулд үйлдвэрлэв” сэтгүүл болон khanuul.sme.gov.mn цахим хуудсаар дамжуулан үйлдвэрлэл эрхлэгчдийн бараа, бүтээгдэхүүнийг танилцуулга, зургийг зургийн студид “Үнэ төлбөргүй” авч, бараа, бүтээгдэхүүнийг олон нийтэд таниулан, сурталчилна.

              Төвийн үйл ажиллагааны чиглэл: Хан-Уул дүүргийн Жижиг дунд үйлдвэрлэлийг дэмжих төв нь  дүрэмд заасан үйл ажиллагааг эрхэлж, дүүргийн үйлдвэрлэл эрхлэгч иргэн, аж ахуй нэгжид дараах чиглэлийн үйлчилгээнүүдийг үзүүлнэ. Үүнд:

• Дүүргийн хэмжээнд жижиг, дунд үйлдвэрлэл эрхлэлгчдийн судалгаа хийж, мэдээллийн нэгдсэн бааз бий болгон тухай бүр шинэчилж байна.
• Бизнес эрхлэгч аж ахуй нэгж, иргэдэд бизнесийн ур чадвар эзэмшүүлэх, мэргэжлийн чиг баримжаа олгох сургалтуудыг тогтмол зохион байгуулах;
• Мэргэжлийн зөвлөгөө өгөх, олон талт мэдээ, мэдээллээр хангах;
• Яармаг, үзэсгэлэн худалдаа зохион байгуулах, жижиг дунд үйлдвэрлэл эрхлэгчдийг гадаад, дотоодын бусад үзэсгэлэн худалдаанд зохион байгуулалттай оролцуулах;
• Маркетинг, сурталчилгааны үйлчилгээ үзүүлэх мэргэжлийн гэрэл зургийн студээр үнэ төлбөргүй үйлчлэх, төвийн сэтгүүлээр үйлдвэрлэгчдийн бүтээгдэхүүнийг сурталчлах олон нийтэд таниулах замаар бизнес эрхлэгчдийн борлуулалтын орлогыг нэмэгдүүлэх;
• Бизнес эрхлэгч аж ахуй нэгж, иргэдийн дунд уулзалт семинарыг зохион байгуулах, түншлэл бий болгох;
• Жижиг, дунд үйлдвэрлэлийг дэмжих зээл, төсөл хөтөлбөрт зуучлах, хамруулах;
• Гадаад, дотоодын байгууллагуудтай хамтран ажиллах
• Инкубацийн үйлчилгээ үзүүлэх
• Бусад