“НАМРЫН НОГООН ӨДРҮҮД-ҮНДЭСНИЙ ҮЙЛДВЭРЛЭЛ 2023” ҮЗЭСГЭЛЭН ХУДАЛДАА ҮРГЭЛЖИЛЖ БАЙНА

Хүнс, хөдөө аж ахуй, хөнгөн үйлдвэрийн салбарт төр, хувийн хэвшлийн хамтыг ажиллагааг сайжруулах, тухайн жилийн ажил үйлсээ дүгнэн хэлэлцэх, цаашдын хөгжлийн чиг хандлагыг тодорхойлох зорилгоор 18 дахь жилдээ “Намрын ногоон өдрүүд” нэгдсэн арга хэмжээг зохион байгуулж байна.

Тус арга хэмжээнд Нийслэл төдийгүй 21 аймгаас газар тариалан эрхлэгч, жижиг дунд үйлдвэр эрхлэгчид нийт 500 гаруй иргэн, аж ахуй нэгж оролцож байгаа бөгөөд хүнс, газар тариалан, хөнгөн болон жижиг, дунд үйлдвэрлэл эрхлэгчдийн 3000 орчим нэр, төрлийн бараа, бүтээгдэхүүнийг хэрэглэгчдэд хүргэж байгаа юм.

Хан-Уул дүүргээс өрхийн тариаланч 10 иргэн оролцож өөрсдийн тарьж ургуулсан нарийн ногоо болон өргөн хэрэглээний төмс хүнсний ногоог нэмүү өртөггүй худалдаалж байна. Түүнчлэн жижиг, дунд үйлдвэрлэл эрхлэгчид өөрсдийн бараа бүтээгдэхүүнээ энэхүү “Намрын ногоон өдрүүд-Үндэсний үйлдвэрлэл 2023” үзэсгэлэн худалдаагаар борлуулж байна.

Төв цэнгэлдэх хүрээлэнд зохион байгуулагдаж буй үзэсгэлэнд хүрэлцэн ирснээр;

- Газар тариалангийн техник, тоног төхөөрөмжийн үзэсгэлэн, худалдаа

- B2B гэрээ хэлэлцээ хийх, хамтын ажиллагааны уулзалт

- Төв болон Хангай, Зүүн, Баруун бүсийн аймгуудын өв соёлыг танилцуулах өдөрлөг үзэж сонирхох боломжтой юм.

“НАМРЫН НОГООН ӨДРҮҮД-ҮНДЭСНИЙ ҮЙЛДВЭРЛЭЛ 2023” нэгдсэн арга хэмжээ энэ сарын 26-ныг дуустал үргэлжлэх юм.