“Цар тахлын дараах эдийн засгийн сэргэлтийг бий болгох” уриан доор ЖДҮҮ эрхлэгчдийн ҮЗЭСГЭЛЭН-ХУДАЛДАА болно

Монгол Улсын хэмжээнд 63,000 ААН-д 906,000 иргэд ЖДҮҮ-ний салбарт ажилладаг гэсэн судалгаа бий. Үүний 70% нь Улаанбаатар хотод үйл ажиллагаагаа явууж байна.

Нийслэлийн "Жижиг, дунд үйлдвэр, үйлчилгээг дэмжих төв" НӨҮГ-аас дүүргийн Жижиг дунд үйлдвэрийг дэмжих төвүүдтэй хамтран жил бүрийн 10-р сард жижиг, дунд үйлдвэр, үйлчилгээ эрхлэгчдийн үзэсгэлэн худалдааг зохион байгуулж хэвшээд буй. Энэ жил “Цар тахлын дараах эдийн засгийн сэргэлтийг бий болгох” уриан доор Д.Сүхбаатарын талбайд 4 хоногийн туршид ҮЗЭСГЭЛЭН-ХУДАЛДААГ зохион байгуулах гэж байна.

Иймд Хан-Уул дүүргийн жижиг, дунд үйлдвэр, үйлчилгээ эрхлэгч аж ахуйн нэгж, иргэд та бүхэн 2022.10.20-ны өдрөөс өмнө яаралтай бүртгүүлнэ үү. Үзэсгэлэн худалдаа дөрвөн өдрийн турш явагдах тул жижиг, дунд үйлдвэр, үйлчилгээ эрхлэгч аж ахуйн нэгж, иргэд та бүхэн өөрсдийн бараа бүтээгдэхүүнээ олон нийтэд сурталчлан таниулж, борлуулалтын орлогоо нэмэгдүүлэх өргөн боломж нээгдэж байна.

Жич: Бүтээгдэхүүн үйлчилгээний чиглэл харгалзахгүй оролцох боломжтой.

Үйл ажиллагаа: НАМРЫН ҮЗЭСГЭЛЭН ХУДАЛДАА

Хугацаа: 2022.10.20-ны өдрөөс эхлэн 23-ны өдрийг дуустал зохион байгуулагдана

Байршил: Д.Сүхбаатарын талбай

Бүртгэл хийх өдөр: 2022.10.17-19-нд ХУД-ийн ЖДҮДТөв

Холбогдох утасны дугаар: 7000-7012